Менаџер/ка за грантови и финансирање

СОС Детско село е дел од глобалната мрежа на СОС Детски села Интернационал – водечка меѓународна организација посветена на поддршка на деца без родителска грижа и семејства во ризик. Организацијата делува и работи на развојни програми од областа на социјална заштита, социјална превенција и детски права. 

МЕНАЏЕР/КА ЗА ГРАНТОВИ И ФИНАНСИРАЊЕ (Grants and Funding Manager)

СОС Детско село Северна Македонија објавува оглас за работен ангажман на Менаџер/ка за грантови и финансирање, кој/а ќе има клучна и стратешка улога во идентификување, подготовка, управување и следење на проекти финансирани од различни институционални донатори, како и во обезбедување на усогласеност со донаторските барања и организациските политики. 

Ако сте визионер/ка со искуство во проектен менаџмент и развој на предлог-проекти и умеете да размислувате стратешки – ова е можност за вас да станете дел од менаџерскиот тим на СОС Детско село.  

🎯 КЛУЧНИ ОДГОВОРНОСТИ:

• Стратешко планирање  за зголемување на самоодржливоста на организацијата  
• Идентификување на можности за финансирање од институционални донатори (ЕУ,ИПА, УН агенции, амбасади, фондации и др.)
• Подготовка на проектни предлози, буџети и апликации во соработка со програмскиот тим
• Имплементација и следење на проектни активности согласно договорите со донатори
• Подготовка на периодични и финални извештаи за донатори
• Координација со финансискиот тим за следење на буџетска реализација
• Одржување на комуникација со донатори и учество на состаноци и консултации
• Следење на повици за предлози и донаторски политики
• Обезбедување усогласеност со административни и финансиски процедури
• Градење партнерства со институции и донатори.

🧾ПОТРЕБНИ КВАЛИФИКАЦИИ И ВЕШТИНИ:

• Високо образование во релевантна област (општествени науки, економија, право, јавна администрација)
• Најмалку 5 години искуство во подготовка и имплементација на проекти финансирани од институционални донатори
• Стратешко размислување и аналитички пристап
• Одлични вештини за планирање, организација и пишување извештаи
• Одлично познавање на проектен менаџмент
• Искуство во подготовка на извештаи и буџети
• Одлични комуникациски и организациски вештини
• Одлични вештини за вмрежување и преговарање
• Иницијативност и проактивност
• Одлично познавање на англиски јазик (усно и писмено).

💻КОМПЈУТЕРСКИ ВЕШТИНИ И ПРОГРАМИ:

• Напредно користење на MS Office пакетот (особено Excel, Word, PowerPoint)
• Користење на Microsoft Teams и Outlook за координација
• Познавање на Google Workspace (Docs, Sheets, Drive)
• Искуство со онлајн платформи за аплицирање и известување (EU Funding & Tenders Portal, UN Partner Portal, FlexiGrant, и сл.)
• Познавање на алатки за проектен и финансиски менаџмент
• Предност ќе се смета познавање и примена на вештачка интелигенција (AI) за автоматизација на административни процеси, анализа на податоци и поддршка во подготовка на апликации и извештаи (на пример: ChatGPT, Copilot, Excel AI tools, Grammarly, Notion AI итн.).

🔔Придружете ни се и бидете дел од тимот што прави разлика! 

💙 Ниту едно дете не треба да расте само! 💙

Напомена: Вашите лични податоци ќе бидат обработени со цел да се изврши процес на регрутирање за понудената работа. Доколку ни дадете експлицитна согласност, вашите лични податоци ќе бидат обработени и за учество во понатамошни процеси на регрутирање што ги спроведува СОС Детско село и испраќање известувања за понуди за работа.

СОС Детскo селo практикува политика на нулта толеранција за злоупотреба, дискриминација и непрофесионално однесување. Сите кандидати со самото аплицирање се смета дека се согласуваат со Кодексот на однесување и Политиката за заштита на деца и млади и се подготвени да работат согласно нив. Организацијата, исто така, се залага за унапредување на родовата еднаквост и активно придонесува кон одржување на родова рамнотежа во сите аспекти на своето работење.